Thursday, May 19, 2022
Monday, May 16, 2022
പഠനപ്രവര്‍ത്തനങ്ങള്‍ (ക്ലാസ്സ്‌ 9) Learning Activities (Class 9)
Social Science - I
◀ മധ്യകാല ലോകം : അധികാരകേന്ദ്രങ്ങള്‍
(Medieval World : Centres of Power)
Social Science - II
◀ സര്‍വ്വവും സൂര്യനാല്‍
Sun : The Ultimate Source
Sun : The Ultimate Source
Wednesday, May 4, 2022
▶ ലോകത്തെ സ്വാധീനിച്ച വിപ്ലവങ്ങള്‍ (Revolutions That Influenced The World) കൂടുതല്‍ വിവരങ്ങള്‍
ബൂര്‍ഷ്വാസി (Bourgeoisie)
ഫ്രഞ്ചുഭാഷയിലെ ബൂര്‍ഷ്വാ എന്ന പദത്തില്‍ നിന്നാണ് ബൂര്‍ഷ്വാസി എന്ന പദം രൂപം കൊണ്ടത്. ബൂര്‍ഷ്വാ എന്ന വാക്കിനര്‍ത്ഥം 'നഗരവാസി'എന്നാണ്. ഭൂവുടമകളും അടിയാന്മാരും എന്ന രീതിയില്‍ സമൂഹം രണ്ടായിത്തിരിഞ്ഞിരുന്ന ഫ്യൂഡല്‍ കാലഘട്ടത്തില്‍ ഇരുവര്‍ക്കുമിടയില്‍ കച്ചവടക്കാരുടെ ഒരു പുതിയ വര്‍ഗ്ഗം ഉയര്‍ന്നുവന്നു. ഈ മധ്യവര്‍ഗ്ഗത്തെയാണ് ബൂര്‍ഷ്വാ എന്നു വിളിക്കുന്നത്. ഇവരുടെ പിന്മുറക്കാര്‍ വ്യാപാരത്തിലൂടെയും കടല്‍ക്കൊള്ളയിലൂടെയും നേടിയ സമ്പത്തുപയോഗിച്ച് വ്യവസായശാലകള്‍ ആരംഭിച്ചു. ഇവരായിരുന്നു മുതലാളിത്ത വ്യവസ്ഥയുടെ സ്ഥാപകര്‍.
ലോകത്തെ പിടിച്ചു കുലുക്കിയ പത്ത് ദിവസങ്ങള്‍ (Ten Days That Shook the world)
അമേരിക്കന്‍ പത്രപ്രവര്‍ത്തകനും സോഷ്യലിസ്റ്റുമായ ജോണ്‍ റീഡ് (John Reed) 1919 ല്‍ പ്രസിദ്ധീകരിച്ച പുസ്തകം. 1917-ലെ റഷ്യന്‍ വിപ്ലവം നേരിട്ടു ക~ അനുഭവത്തിന്റെ വെളിച്ചത്തിലാണ് ഈ കൃതി രചിക്കപ്പെട്ടത്. ലെനിന്‍ ഉള്‍പ്പെടെയുള്ള റഷ്യന്‍ നേതാക്കളുമായി അടുത്തബന്ധം പുലര്‍ത്തിയിരുന്ന ജോണ്‍ റീഡ് 1920-ല്‍, 32-ാം വയസ്സില്‍ റഷ്യയില്‍ വച്ച് മരണപ്പെട്ടു. പ്രമുഖ റഷ്യന്‍ നേതാക്കളെ അടക്കം ചെയ്യുന്ന മോസ്‌കോയിലെ ക്രെംലിന്‍ വാള്‍ നെക്രോപൊളി സിലാണ്അ (Kremlin wall Necropolis)ദ്ദേഹത്തെ സംസ്‌കരിച്ചത്. 1928-ല്‍ സെര്‍ഗി ഐസന്‍സ്റ്റീന്‍ (Sergei Eisenstein) പുസ്തകത്തെ ആധാരമാക്കി അതേ പേരില്‍ ചലച്ചിത്രം സംവിധാനം ചെയ്തു. -വി. രാധാകൃഷ്ണന്‍
Social science (Class 9) ലെ പാഠഭാഗവുമായി ബന്ധപ്പെട്ട കൂടുതല്‍ വിവരങ്ങള്‍
Social science - I
അധ്യായം 1
മധ്യകാല ലോകം : അധികാരകേന്ദ്രങ്ങള്‍
ഓട്ടോമന്‍ സാമ്രാജ്യം13-ാം നൂറ്റാണ്ടിന്റെ അവസാനത്തോടെ തുര്‍ക്കി ഗോത്രങ്ങളിലൊന്നിന്റെ നേതാവായിരുന്ന ഉസ്മാനാണ് ഓട്ടോമന്‍ സാമ്രാജ്യം സ്ഥാപിച്ചതെന്ന് കരുതപ്പെടുന്നു. 'ഉത്മാന്‍' എന്നറിയപ്പെട്ട അദ്ദേഹത്തിന്റെ പേരില്‍
നിന്നാണ് ഓട്ടോമന്‍ എന്ന പേരുണ്ടായത്.
ഇന്‍ക സംസ്‌കാരം
ഇക്വഡോര്‍, പെറു, ചിലി എന്നിവിടങ്ങളിലായിരുന്നു ഈ സംസ്‌കാരം കാണപ്പെട്ടത്. ഇവര്‍ ചെമ്പ് ഉപയോഗിച്ചിരുന്നു. ഇവര്‍ പിരമിഡുകള്‍ നിര്‍മിച്ചിരുന്നു. സൂര്യോത്സവങ്ങള്‍ നടത്തിയിരുന്നു.
മായന്‍ സംസ്‌കാരം
ക്രിസ്തുവിന് ആയിരം വര്‍ഷം മുമ്പ് വ്യാപിച്ചിരുന്നതായി പറയപ്പെടുന്ന ഒരു സംസ്‌കാരമായിരുന്നു മായന്‍ സംസ്‌കാരം. പൂര്‍ണമായ കലണ്ടര്‍, അക്ഷരവിദ്യ, ഗണിതശാസ്ത്രത്തിലുള്ള അറിവ് ഇതെല്ലാം അവരുടെ നേട്ടങ്ങള്‍ ആയിരുന്നു. മായന്‍ കലണ്ടറില്‍ ഒരു വര്‍ഷത്തിന് 365 ദിവസങ്ങളുണ്ട്. ഒരു വര്‍ഷം 18 മാസങ്ങളും ഒരു മാസത്തിന് 20 ദിവസങ്ങളു
മാണുണ്ടായിരുന്നത്. ബാക്കി ദിവസങ്ങള്‍ നിര്‍ ഭാഗ്യ ദിവസങ്ങളായി കരുതിപ്പോന്നു.
ടോള്‍ടെക്
സി. ഇ. 900 - ത്തില്‍ മെക്‌സിക്കോ താഴ്‌വരയില്‍ രൂപംകൊണ്ട സംഘമാണ് ടോള്‍ട്ടീസുകാര്‍. ഇവര്‍ മായന്‍ സംസ്‌കാരത്തെ വിപുലപ്പെടുത്തി. സി. ഇ. 1200-ല്‍ അസ്‌ടെക്കുകള്‍ ടോള്‍ട്ടീസുകളെ അധികാരത്തില്‍ നിന്നുമാറ്റി.
അസ്‌ടെക്
സി.ഇ. 1200 - ഓടുകൂടി ഉയര്‍ന്നുവന്ന ഒരു ഗോ ത്രവര്‍ഗ്ഗമായിരുന്നു അസ്‌ടെക്കുകള്‍. ഇവരുടെ ഭാഷയായിരുന്നു 'നഹ്വാട്ടില്‍'. ഇന്നും
നിലവിലിരിക്കുന്ന ഒരു ഭാഷയാണിത്. ഇവരുടെ
'ചിനമ്പ' എന്ന ഒഴുകുന്ന പൂന്തോട്ടം വളരെ
പ്രശസ്തമാണ്.
Social Science - II
Tuesday, May 3, 2022
Social science (Class 8) ലെ പാഠഭാഗവുമായി ബന്ധപ്പെട്ട കൂടുതല്‍ വിവരങ്ങള്‍
അധ്യായം 1
ആദ്യകാല മനുഷ്യജീവിതം(Early Human Life)
ആദ്യകാല മനുഷ്യജീവിതം
(Early Human Life)
ശിലായുഗ മനുഷ്യന്റെ വീട്!
വടക്കന്‍ സ്‌കോട്‌ലന്‍ഡിലെ ഓര്‍ക്ക്‌നി ദ്വീപസമൂഹങ്ങളിലൊന്നിന്റെ പടിഞ്ഞാറന്‍ തീരത്തുള്ള സ്‌കെയ്ല്‍ ഉള്‍ക്കടലിനോട് ചേര്‍ന്ന് സ്‌കാര്യ ബ്രേ (Skara Brae) എന്നൊരു സ്ഥലമുണ്ട്. നവീനശിലായുഗത്തിന്റെ തിരുശേഷിപ്പ് സ്ഥിതിചെയ്യുന്ന സ്ഥലമാണിത്. 3180 ബി.സി. മുതല്‍ 2500 ബി.സി. വരെ ശിലായുഗ മനുഷ്യന്‍ കല്ലുകള്‍കൊണ്ട് വീട് കെട്ടി പാര്‍ത്തിരുന്ന സ്ഥലം എന്നതാണതിന്റെ പ്രാധാന്യം. ഇന്നും കൃത്യമായി പരിപാ ലിച്ചുപോരുന്ന ഈ പുരാതന ആവാസസ്ഥലം യുനെസ്‌കോ ലോകപൈതൃക പട്ടികയിലും ഇടംപിടിച്ചിട്ടുണ്ട്. 'സ്‌കോട്ടിഷ് പോംപെ' (The Scottish Pompeii)എന്നും ഇവിടം അറിയപ്പെടുന്നുണ്ട്.
പുലര്‍ത്തിയ ആളെന്നനിലയിലുമാണ് ഗോര്‍ഡന്‍ ചൈല്‍ഡ് പ്രസിദ്ധനായത്. ആധുനിക ശിലായുഗ വിപ്ലവം, നഗരവിപ്ലവം എന്നീ വാക്കുകള്‍ ആദ്യമായി ഉപയോഗിച്ചത് ഗോര്‍ഡന്‍ ചൈല്‍ഡാണ്.
1892 -ല്‍ സിഡ്‌നിയിലാണ് അദ്ദേഹം ജനിച്ചത്. ഹൗ ലേബര്‍ ഗവേണ്‍സ്, വാട്ട് ഹാപ്പന്‍ണ്ട് ഇന്‍ ഹിസ്റ്ററി, മാന്‍ മേക്ക് ഹിം സെല്‍ഫ് തുടങ്ങിയവയാണ് അദ്ദേഹത്തിന്റെ കൃതികള്‍. 1957 - ല്‍ ആസ്‌ട്രേലിയയില്‍ വച്ച് അദ്ദേഹം മരണമടഞ്ഞു.
ഏറ്റവും പഴക്കമുള്ള കല്ലുപകരണങ്ങള്‍
ആദിമ മനുഷ്യന്‍ ഉപയോഗിച്ചതെന്നു കരുതുന്ന കല്ലുകൊണ്ടുള്ള ഉപകരണങ്ങള്‍ ആഫ്രിക്കയിലെ കെനിയയില്‍ കണ്ടെത്തിയിരിക്കുന്നു. 33ലക്ഷം വര്‍ഷം മുന്‍പ് ജീവിച്ചിരുന്നവര്‍ ഉപയോഗിച്ചിരുന്ന ഉപകരണങ്ങളാണ് ഇപ്പോള്‍ കണ്ടെത്തിയിരിക്കുന്നത്.ന്യൂയോര്‍ക്കിലെ സ്റ്റോണി ബ്രൂക്ക് സര്‍വകലാശാലയിലെ പുരാവസ്തു ശാസ്ത്രജ്ഞ സോണിയ ഹാര്‍മണ്ടിന്റെ നേതൃത്വത്തില്‍ നടത്തിയ പര്യവേക്ഷ ണത്തിലാണ് ഈ കണ്ടെത്തല്‍ നടത്തിയത്. കെനിയയിലെ ലോംക്വിയിലാണ് പര്യവേക്ഷണം നടന്നത്. ഇതുവരെ കണ്ടെത്തിയിട്ടുള്ളവയില്‍ ഏറ്റവും പഴക്കമുള്ള കല്ലുപകരണങ്ങളാണ് ഇവ എന്നാണ് ഗവേഷകര്‍ സാക്ഷ്യപ്പെടുത്തുന്നത്. എത്യോപ്യ യിലെ ഗയാനയില്‍ കണ്ടെത്തിയ 26 ലക്ഷം വര്‍ഷം പഴക്കമുള്ള കല്ലുപകരണങ്ങളാണ് ഇതിനു മുന്‍പ് ഏറ്റവും പഴക്കമുള്ളതായി പരിഗണിക്കപ്പെട്ടിരുന്നത്.ഗോര്‍ഡന്‍ ചൈല്‍ഡ്
പുരാവസ്തു ശാസ്ത്രത്തില്‍ ഗവേഷണം നടത്തിയ ആസ്‌ട്രേലിയന്‍ ഭാഷാശാസ്ത്രജ്ഞനായിരുന്നു ഗോര്‍ഡന്‍ ചൈല്‍ഡ് എന്നറിയപ്പെട്ട വിരെ ഗോര്‍ഡന്‍ ചൈല്‍ഡ്. സ്‌കോട്ട്‌ലാന്റിലെ ദ്വീപസമൂഹമായ ഓര്‍ക്‌നിയിലെ സ്‌കാരാ ബ്രേ എന്ന ആധുനിക ശിലായുഗ പുരാവസ്തു കേന്ദ്രത്തില്‍ നടത്തിയ ഖനനത്തിലൂടെയും ചരിത്രാതീത കാലഘട്ടത്തെക്കുറിച്ച് മാര്‍ക്‌സിസ്റ്റ് കാഴ്ചപ്പാട്പുലര്ത്തിയ ആളെന്നനിലയിലുമാണ് ഗോര്‍ഡന്‍ ചൈല്‍ഡ് പ്രസിദ്ധനായത്. ആധുനിക ശിലായുഗ വിപ്ലവം, നഗരവിപ്ലവം എന്നീ വാക്കുകള്‍ ആദ്യമായി ഉപയോഗിച്ചത് ഗോര്‍ഡന്‍ ചൈല്‍ഡാണ്.
1892 -ല്‍ സിഡ്‌നിയിലാണ് അദ്ദേഹം ജനിച്ചത്. ഹൗ ലേബര്‍ ഗവേണ്‍സ്, വാട്ട് ഹാപ്പന്‍ണ്ട് ഇന്‍ ഹിസ്റ്ററി, മാന്‍ മേക്ക് ഹിം സെല്‍ഫ് തുടങ്ങിയവയാണ് അദ്ദേഹത്തിന്റെ കൃതികള്‍. 1957 - ല്‍ ആസ്‌ട്രേലിയയില്‍ വച്ച് അദ്ദേഹം മരണമടഞ്ഞു.
ചാതല്‍ഹൊയുക്ക്
ഏകദേശം ബി.സി.ഇ. ഏഴായിരത്തിലാണ് ചാതല്‍ ഹൊയുക്കിലെ നവീനശിലായുഗകേന്ദ്രം ആവിര്‍ഭവിച്ചത്. 1950 കളില്‍ ജെയിംസ് മെല്ലാര്‍ട്ടിന്റെ നേതൃത്വത്തിലുള്ള സംഘമാണ് ഇത് കണ്ടെത്തിയത്. യുനെസ്‌കോയുടെ ലോകപൈതൃക പട്ടികയിലുള്ള ഈ കേന്ദ്രത്തില്‍ നിന്ന് താമ്രശിലായുഗ ജീവിതത്തെ സംബന്ധിച്ച തെളിവുകളും ലഭിച്ചിട്ടുണ്ട്.
Subscribe to:
Posts (Atom)