Social science-II (Class 10) പൊതുചെലവും പൊതുവരുമാനവും (Public Expenditure and Public Revenue) എന്ന പാഠഭാഗവുമായി ബന്ധപ്പെട്ട കൂടുതല്‍ വിവരങ്ങള്‍

▲  ചരക്കുസേവന നികുതി (Good Service Tax- GST)
ചരക്കു സേവന നികുതി ഇന്ത്യയില്‍ നിലവില്‍ വന്നത്. - 2017 ജൂലൈ 1
GST പാസാക്കിയ ആദ്യ സംസ്ഥാനം - അസം.
GST യുമായി ബന്ധപ്പെട്ട ഭരണഘടന അനുച്ഛേദം - 246 A
GST ക്കായി പാസാക്കിയ ഭരണഘടനാ ഭേദഗതി ബില്‍ - 122
ലോകത്തില്‍ ആദ്യമായി GST നടപ്പാക്കിയ രാജ്യം - ഫ്രാന്‍സ്
GST പ്രകാരമുളള ഏറ്റവും കൂടിയ നികുതി നിരക്ക് - 28%.
▲  ബജറ്റ്
ബജറ്റുമായി ബന്ധപ്പെട്ട ചില പ്രധാന ആശയങ്ങള്‍
റവന്യൂ ബജറ്റ്: റവന്യൂ വരവുകളും റവന്യൂ ചെലവുകളും ചേര്‍ന്നതാണ് റവന്യൂ ബജറ്റ്.
മൂലധന ബജറ്റ് : സര്‍ക്കാരിന്റെ ആസ്തിയുടെയും ബാധ്യതയുടെയും അക്കൗണ്ടായ മൂലധനവരവു കളും മൂലധന ചെലവുകളും ചേര്‍ന്നതാണ് മൂലധന ബജറ്റ്.
ബജറ്റ് കമ്മി : മൊത്തം ചെലവില്‍ നിന്ന് വര്‍ത്തമാന കാല വരവുകളും അറ്റ ആഭ്യന്തരബാഹ്യ മൂലധന വരവുകളും ചേര്‍ന്ന് കുറച്ചു കിട്ടുന്നതാണ് ബജറ്റ് കമ്മി.
റവന്യൂ കമ്മി : സര്‍ക്കാരിന്റെ റവന്യൂ ചിലവില്‍ നിന്ന് റവന്യൂ വരവ് കുറയ്ക്കുമ്പോള്‍ കിട്ടുന്നതാണ് റവന്യൂ കമ്മി.
ധനകമ്മി : സര്‍ക്കാരിന്റെ മൊത്തം ചെലവും വായ്പയൊഴികെയുള്ള മൊത്ത വരുമാനവും തമ്മിലുള്ള വ്യത്യാസമാണ് ധനകമ്മി.
പ്രാഥമിക കമ്മി : ധനകമ്മിയില്‍ നിന്ന് പലിശ ഇനത്തിലുള്ള അടവുകള്‍ കുറച്ചാല്‍ കിട്ടുന്ന സംഖ്യയാണ് പ്രാഥമിക കമ്മി.